Құрметті халықаралық ғылыми-практикалық конференцияның қатысушылары, қонақтары мен серіктестері!
Қазақстан Республикасы Әділет министрлігінің Сот сараптамалары орталығының атынан Сіздерді «Сот төрелігі жүйесіндегі сот сараптамасы: сын-қатерлер мен болашағы» атты халықаралық ғылыми-практикалық конференцияда қарсы алуға қуаныштымын.
Аталған іс-шараны өткізу ғылымның, технологиялардың және сот-сараптамалық қызметтің қарқынды дамуы жағдайында ерекше маңызға ие. Қазіргі заманғы сот төрелігі жүйесі жоғары білікті сараптамалық қолдауды, зерттеудің жаңа әдістерін енгізуді, сондай-ақ ведомствоаралық және халықаралық өзара іс-қимылды нығайтуды талап етеді.
Конференция сарапшылар қауымдастығы, құқық қорғау органдары, ғылыми мекемелер және халықаралық серіктестер арасында тәжірибе алмасуға, өзекті мәселелерді талқылауға, бірыңғай тәсілдерді қалыптастыруға және кәсіби диалогты дамытуға арналған бірегей алаң ұсынады.
Өткізілетін мазмұнды пікірталастар, ұсынылатын баяндамалар мен бірлескен бастамалар сот сараптамасының сапасын арттыруға, сараптамалық зерттеулердің нәтижелеріне деген сенімді нығайтуға және жалпы сот төрелігі жүйесін жетілдіруге ықпал етеді деп сенемін.
Конференцияның барлық қатысушыларына, баяндамашылары мен ұйымдастырушыларына сот-сараптамалық қызметті дамытуға қосқан үлестері үшін шынайы алғысымды білдіре отырып, жемісті жұмыс, кәсіби табыс және жаңа жетістіктер тілеймін!
